ကျတော်၏ နိုင်ငံရေး အမြင်

ဦးစွာပထမ ၂၀၁၀ရွေးကောက်ပွဲနှင့် ပတ်သက်ပြီး ကျတော့်အမြင်ကို ဒီိနေရာမှာ တင်ပြချင်ပါတယ်။ တိုင်းရင်းသားလူမျိုးများသည် ဘယ်ချိန်ကစ၍ ဗမာလူမျိုးများ၏ အုပ်ချုပ်ခံဘဝသို့ ဘာကြောင့်ကျရောက်ခဲ့သည်ကို တစေ့တစောင်း ပြန်ကြည့် ကြည့်ရအောင်။ မြန်မာ့သမိုင်းမှာ သင် ဘူး သည်မှာ ဗမာဘုရင်သီပေါမင်းကို ကိုလိုနီအင်္ဂလိပ်နယ်ချဲ့တို့က မန္တလေးနေပြည်တော်မှ အိန္ဒိယနိုင်ငံသို့ ဖမ်းဆီးခေါ်ဆောင်သွားသည့် နေ့( ပါတော်မူနေ့ )ကို မြန်မာတနိုင်ငံလုံး အင်္ဂလိပ် လက်အောက်သို့ ကျရောက်ခဲ့သည့် နေ့ ဟုသင်ရသည်။ ချင်းပြည်နယ် ဟုခေါ်သော ချင်းလူမျိုးများနေထိုင်ရာဒေသကို အင်္ဂလိပ်နယ်ချဲ့တို့က ၁၈၉၆ခုနှစ်တွင်သိမ်းပိုက်သည် ဆိုသည်။ အဲဒီခေတ် အဲဒီခါတုန်း က မြန်မာနိုင်ငံဆိုလို့ မရှိသေးပေ။ အင်္ဂလိပ်ကိုလိုနီနယ်ချဲ့တို့က ဗမာလူမျိုးများနေထိုင်ရာဒေသ၊ ချင်း၊ကချင်၊ရှမ်း စသည့်လူမျိုးများ နေထိုင်ရာတောင်တန်း ဒေသများကိုတချိန်တည်း၌ သိမ်းပိုက်ခဲ့သည်မဟုတ်ပါ။ သီးခြားဆီ သိမ်းပိုက်ခဲ့တာဖြစ်ပါသည်။ ကိုလိုနီလက်အောက်သို့ မကျမှီ တိုင်းသားလူမျိုးများသည်လည်း ဘယ်လူမျိုးများ၏ လက်အောက်သို့ မျှမကျခဲ့ဘူးပါ။

ကိုယ့်မင်းကိုယ့်ချင်း၊ ကိုယ့်ထီးကိုယ့်နန်း နဲ့ အုပ်ချုပ်ကြတာဖြစ်သည်။ ဗမာလူမျိုးများက တိုင်းရင်းသားလူမျိုးများကို အုပ်ချုပ်ခဲ့ခြင်းမျိုး မရှိခဲ့ဘူးပါ။ ဗမာလူမျိုးဆိုတာက သီးခြားလူမျိုးစုတစ်စုသာဖြစ်တယ်။ လူမျိုးမတူ၊ဘာသာစကားမတူ၊ဘာသာမတူ၊ယဉ်ကျေးမှုခြင်းခြားနားသော တိုင်းရင်း လူမျိုးများနှင့် ရေနှင့် မီးလို ကွာခြားနေသည်ကို အင်္ဂလိပ်ကိုလိုနီနယ်ချဲ့များကလည်း ကောင်းကောင်းသိထားလို့ တောင်တန်းဒေသနှင့် မြေပြန့်ဒေသ ကို ပူးတွဲမအုပ်ချုပ်ဘဲ သီးခြားအုပ်ချုပ် ခဲ့တာဖြစ်တယ်။ သွေးခွဲအုပ်ချုပ်တယ်ဆိုတာ မမှန်ပါ။ သွေးမစပ်၊လူမျိုးမတူသော လူမျိုးများ ဖြစ်ကြသောကြောင့် သီးခြားအုပ်ချုပ်ခဲ့ခြင်း ဖြစ်တယ်။ အင်္ဂလိပ်ကိုလိုနီ အုပ်ချုပ်ရေး စနစ်ကို ဗမာလူမျိုးများက မကြိုက်သလို တောင်တန်းဒေသများကလည်း မနှစ်သက် ကြပါ။ဒါကြောင့် ကိုလိုနီအုပ်ချုပ်ရေး စနစ်ဆိုးကြီးကို ရရာလက်နက်စွဲကိုင်၍ တော်လှန်ခဲ့တာဖြစ်တယ်။

ပြည်သူတရပ်လုံး၏ ကြိုးပမ်းမှုကြောင့် လွတ်လပ်ရေးရရှိရန် အလားအလာကောင်းလာသောအခါ ဗိုလ်ချုပ်အောင်းဆန်းသည် နိုင်ငံရေး အမြော်အမြင်ကြီးမားသူ ဖြစ်သည့်အားလျော်စွာ တိုင်းရင်းသားများ၏ လိုအပ်ချက်များကို ကောင်းကောင်းကြီးသိခဲ့သူဖြစ်သဖြင့် ဗမာလူမျိုးများနှင့်အတူ လွတ်လပ်ရေး ရယူရန် တိုင်းရင်းသားခေါင်းဆောင်ကြီးများကို စည်းရုံးခဲ့သည်။ ဗိုလ်ချုပ်အောင်ဆန်းသည် စိတ်ရင်းစေသနာနှင့် တောင်တန်းဒေသများ ကိုလည်း ဗမာလူမျိုးများကဲ့သို့ လွတ်လပ်ရေးရရှိစေချင်သည်မှာ ယုံမှားစရာမရှိပါ။ အောင်ဆန်း အက်တလီ စာချုပ်ချုပ်ဆိုသည့်အခါ တိုင်းရင်းသာဒေသများ ပါဝင် ရေးမပါဝင်ရေးသည် အဓိက ကဏ္ဍမှာပါဝင်ခဲ့သည်။ ထိုကြောင့်ဗိုလ်ချုပ်အောင်ဆန်းသည် လန်ဒန်မှ ဗမာပြည်သို့အမြန်ပြန်လာပြီး ပင်လုံညီလာခံကို အမြန်ဆုံးခေါ်ယူကျင်းပခဲ့ခြင်းဖြစ်သည်။

လွတ်လပ်ရေး ရရှိရေးအတွက် တိုင်းရင်းသားခေါင်းဆောင်များ၏ ထောက်ခံချက်သည် အလျှင်စလို လိုအပ်နေသည်။ ပင်လုံစာချုပ်၏ အဓိကအချက်မှာ လွတ်လပ်ရေးရရှိလျှင် နိုင်ငံရေးအရ တန်းတူရည်တူ အခွင့်အရေးရ ရှိရမည်ဟု ဖြစ်သည်။ နိုင်ငံရေးအရ တန်းတူ အခွင့်အရေးမရှိပါက အချိန်မရွေး ခွဲထွက်နိုင်သည်ဟု ဖြစ်ပြန်တယ်။ပင်လုံစာချုပ်တွင် တိုင်းရင်းသား ခေါင်းဆောင်များ လက်မှတ်မထိုးခဲ့ပါက အင်္ဂလိပ် အစိုးရက တောင်တန်းဒေသများကို ချန်ထားပြီး မြေပြန့်ဒေသကိုသာ လွတ်လပ်ရေး ပေးရမှာဖြစ်သည်။ ချင်း၊ကချင်၊ရှမ်း ခေါင်းဆောင်ကြီးများ ပင်လုံ၌ မြေပြန့်နှင့်အတူ လွတ်လပ်ရေး ရယူရန်လက်မှတ်ရေးထိုးခဲ့ကြသောကြောင့်သာလျှင် မြန်မာနိုင်ငံသည် ၁၉၄၈ ခုနှစ်တွင် လွတ်လပ်ရေး ရရှိခဲ့ခြင်း ဖြစ်သည်။ ဗိုလ်ချုပ်အောင်ဆန်းနှင့် ခေါင်းဆောင်ကြီးများတစ်ချို့ လုပ်ကြံခံခဲ့ခြင်းသည် ဗမာလူမျိုးများအတွက် သာမကဘဲ တိုင်းရင်းသား လူမျိုး များအားလုံးအတွက်ပါ မဟာဆုံးရှုးံမှုကြီး ဖြစ်လာသည်။ ဗိုလ်ချုပ်တို့ ကျဆုံးပြီးနောက် တက်လာကြသော ဗမာခေါင်းဆောင်များသည် ဗိုလ်ချုပ် ကဲ့သို့သော အမြော်အမြင်မကြီး တိုင်းရင်းသားများ၏ တန်းတူရည်တူ အခွင့်အရေးကိုလည်း အလေးမထားတောသဖြင့် လွတ်လပ်ရေး ရရှိတာနှင့်တပြိုင်နက် ပြည် တွင်းစစ်ကြီး စတင်တောက်လောင် လာပါတော့သည်။ ၁၉၄၇ ဖွဲ့စည်းအုပ်ချုပ်ပုံအခြေခံဥပဒေကိုရေးဆွဲသည့်အခါမှာ ပင်လုံတွင် သဘောတူညီစွာ ချုပ်ဆိုထားကြသော နိုင်ငံရေးအရ တန်းတူရည်တူ အခွင့်အရေး ရရှိရမည်ဟူသော ကတိကို အလေးမထားခြင်းသည် ၁၉၄၇ဖွဲ့စည်းအုပ်ချုပ်ပုံ၏ အားနည်းချက်ြဖစ်သည်။ အားနည်းများထဲတွင် အဓိကအချက်မှာ ဗမာလူမျိုးများအတွက် သီးခြားပြည်နယ် ဖွဲ့စည်းခြင်းမရှိဘဲ ပြည်ထေင်စုအစိုးရ နှင့်ပူးတွဲ၍နိုင်ငံတော် အဏာဟူသမျှကို ချုပ်ကိုင်ထားစေပြီး တိုင်းရင်းသား လူမျိုးများ အားလုံးကို ဗမာလူမျိုးများ၏လက်ဝယ်ခံ လူမျိုးများဖြစ်စေခြင်းသည် အဓိက အားနည်းချက်ဖြစ်သည်။ ဤနည်းဖြင့်ဗိုလ်ချုပ်တို့ကျဆုံးပြီးနောက် တက်လာကြသော ဗမာခေါင်းဆောင်များသည် ဤကဲ့သို့ ပင်လုံစာချုပ်ကို သစ္စာဖောက်ခဲ့ကြတယ်။ ဒါကြောင့်၁၉၄၇ ဖွဲ့စည်းအုပ်ချုပ်ပုံအခြေခံဥပဒေသည် နိုင်ငံအရ တန်းတူရေးကို အလေးမထားတော့ဘဲ ဗမာလူမျိုးများကို အဏာဟူသမျှ ပုံအောထားသဖြင့် တိုင်းရင်းသားလူမျိုးများသည် အုပ်ချုပ်ခံ လူမျိုးဘဝသို့ ကျရောက်စေခဲ့သည်။ လွတ်လပ်ရေး ရပြီးနောက် ခေါင်းဆောင်ဖြစ်လာကြသော ဗမာခေါင်းဆောင်များသည် တိုင်းရင်းသားပြသနာကို မဖြေရှင်းနိုင်ခဲ့သည့်အပြင် ခေါင်ဆောင်များအကြား အဏာလုကာ သဘောကွဲလွဲမှုများရှိလာပြီး ဖဆပလနှစ်ခြမ်းကွဲသွားသည့်အထိ ဖြစ်လာခဲ့သည်။ ဖဆပလ နှစ်ခြမ်းကွဲခြင်းသည်ဗိုလ်ချုပ်နေဝင်း အဏာသိမ်းရန်အတွက် လမ်းစဖွင့်ပေးသလိုဖြစ်လာစေသည်။ ဗမာခေါင်းဆောင်များ အကြားမပြေလည်မှုများရှိနေချိန်မှာ ပြည်တွင်း စစ်ကြီး လည်း တဝုန်းဝုန်းတောက်လောင်နေပြန်တယ်။ ဒီကြားမှာ တိုင်းရင်းများ တန်းတူအခွင့်အရေး ရရှိရေးသည်လည်း ဟိုလိုလို ဒီလိုလို...ရမလိုလို....မရမလိုလို ဖြစ်နေပြန်တယ်။ တန်းတူအခွင့်အရေး မရရင် တိုင်းရင်းသားများ ခွဲထွက်တော့မည်ဟူသော ကောလဟာလ သတင်းလည်းထွက်နေပြန်တယ်။ ထိုအကြောင်း အရာအားလုံးကို ထိုအချိန်က ကာကွယ်ရေးဝန်ကြီးဖြစ်သော ဗိုလ်နေဝင်း ကောင်းကောင်းသိထားသည်။ထိုအကြောင်းပြချက်များကို အကြောင်းပြု၍ ဗိုလ်နေဝင်းသည် နိုင်ငတော်အဏာကို လက်နက်အာကိုး နဲ့သိမ်းလိုက်ပါတော့သည်။ ဗိုလ်ချုပ်နေဝင်းသည် လိမ္မာပါးနပ်စွာ နိုင်ငံတော်ကြီး ပျက်စီးလုနီးမှာ ဝင်ပြီး ကယ်ကင်သွားသလို အခြေနေအားလုံး သိမ်းထိန်းထားကြောင်း အများပြည်သူထံ ရေဒီယိုမှ ကြေငြာလိုက်ပါသည်။ ဗိုလ်နေဝင်းသည် မတရားအဏာသိမ်းထားသည်ကို ဖုံးဖိရန် တော်လှန်ရေးကောင်းစီ ဟူသောအမည်နာမနှင့် မြန်မာနုင်ငံကို အုပ်ချုပ်ခဲ့သည်။ ၁၉၄၇ ဖွဲ့စည်းအုပ်ချုပ်ပုံအခြေခံဥပဒေကို ဖျက်သိမ်းပြီး ၁၉၇၄ ဖွဲ့စည်းပုံအခြေခုံဥပဒေကို သူစိတ်ကြိုက်ပြန်ရေးဆွဲ စေခဲ့တယ်။ ၁၉၇၄ ဖွဲ့စည်းပုံအခြေခံဥပဒေ ဆိုသည်မှာ ဗိုလ်ချုပ်နေဝင်း အဏာသိမ်းပြီးနောက် သူ့စိတ်ကြိုက်ရေးဆွဲထားသော ဥပဒေကို ဆိုလိုသည်။ ထိုဥပဒေသည် ၁၉၄၇ ဖွဲ့စည်းအုပ်ချုပ်ပုံအခြေခံ ဥပဒေထက် အစပေါင်းများစွာ ဆိုးဝါးသည်။ နိုင်ငံရေးအဏာ (၃)ရပ်ဖြစ်သော ဥပဒေပြုအဏာ၊အုပ်ချုပ်ရေးအဏာ နှင့် တရားစီရင်ရေးအဏာ ဟူသမျှကို ဗမာလူမျိုးများအားပေးအပ်လိုက်သော အခြေခံဥပဒေဟုဆိုရမှာ ဖြစ်သည်။ ၁၉၇၄ ဖွဲ့စည်းပုံအခြေခံဥပဒေအရ တိုင်းရင်းသား များသည် အထက်တွင် ဖော် ပြီးသော အဏာသုံးရပ်ကို လုံးဝဆုံးရှုံးသွားသည့်အပြင် ဗမာလူမျိုး၏ လက်အောက်သို့ လုံးဝဥဿုံ ကျရောက်စေခဲ့သည်။ တစ်ပါတီအဏာရှင်စနစ် ဖြစ်သော မြန်မာ့ဆိုရှယ်လစ်လမ်းစဉ်ပါတီ( မဆလ) နာမည်နှင့် ၁၉၇၄ ခုနှစ် မှ ၁၉၈၈ခုနှစ် အထိအုပ်ချုပ်ခဲ့ရာ မြန်မာနိုင်ငံသည် ကမ္ဘာ့အဆင်းရဲဆုံး နိုင်ငံကြီးဟူသော ဘွဲ့နာမကြီးကို ထိုက်ထိုက်တန်တန် ဆွတ်ခူးရရှိစေခဲ့သည်မှာ အားလုံးအသိ ပင်ဖြစ်သည်။ ၁၉၈၈ အရေးတော်ပုံကြီးကြောင့် မဆလပါတီ ချုပ်ငြိမ်းခဲ့ရသည်။ သို့သော်လည်း မဆလ ပါတီဆိုးကြီးက မွေးထုတ်ပေးသော စစ်အဏာရှင်များက (အဏာကို ဗိုလ်နေဝင်း က ၁၉၆၂ ခုနှစ်မှာသိမ်းခဲ့သလို)၁၉၈၈ မှာ နိုင်ငံတော်အဏာကို ပြန်သိမ်းခဲ့သည်။၁၉၉၀ရွေးကောက်ပွဲကို ကျင်းပပေးခဲ့သော်လည်း အဏာမလွဲပေးသည့်အပြင် နိုင်ငံရေးသမားများကို မတရားသဖြင့်ထောင်ချခဲ့သည်။ ဒီမိုကရေစီစနစ် ကျင့်သုံးသော တိုင်းပြည်မှာ ရွေးကောက်ပွဲကျင်းပခြင်း မှာ နိုင်ငံတော် အချုပ်အခြာအဏာမူလ ပိုင်ရှင်ဖြစ်သော ပြည်သူလူထုက မိမိတို့မွေးရာပါ အခွင့်အရေးအဖြစ် ပိုင်ဆိုင်ထားသော နိုင်ငံတော်အဏာကို မိမိတို့ ကိုယ်စား အသုံးပြုခွင့်ပေးထားသော ကိုယ်စားလှယ်များကို တရားဝင်ရွေးချယ်ခြင်းပင်ဖြစ်သည်။

တိုင်းပြည်တစ်ပြည်မှာ အဏာသည် ပြည်သူလူထုထံ မှ ဆင်းသက် ရမည်ဖြစ်သည်။ သို့သော် မြန်မာနိုင်ငံတွင်မူ အဏာသည် စစ်တပ်မှ ဆင်းသက်နေသည်မှာ မျက်ဝါးထင်ထင် တွေ့ရမည်ဖြစ်သည်။ ၂၀၁၀ ရွေးကောက်ပွဲမှာ စစ်တပ်မှ ရွေးကောက်ပွဲဝင်ပြိုင်စရာ မလိုဘဲ ၂၅ ရာခိုင်နှုန်းသော အဏာကို အလိုလိုယူထားခြင်းသည် အလွန်ဆိုးဝါးသော အချက်ဖြစ်သည်။ အမျိုးသား ညီလာခံတလျှောက်ပြန်ကြည့်လျှင် စစ်တပ်က ကြပ်မတ်ပြီး ရေးဆွဲ ထားသော ဖွဲ့စည်းပုံအခြေခံဥပဒေဖြစ်သည့် အတွက် စစ်အဏာရှင်စနစ်ကို အကာအကွယ် ပေးထားသော ဥပဒေ ဖြစ်နေသည်။

တိုင်းရင်းသားခေါင်းဆောင်များနှင့် အမျိုးသား ဒီမိုကရေစီအဖွဲ့ချုပ်တို့ အဆိုပြုတင်သွင်းထားသော အဆိုပြုချက်များကို လက်ခံခြင်းမရှိဘဲ ပယ်ချခဲ့သည်။ စစ်အစိုးရပြုလုပ်ရေးဆွဲသော ဖွဲ့စည်းပုံအခြေခံဥပဒေသည် အရှေ့ဘက်မှာ အခွင့်အရေးပေး သယောင် နှင့် အနောက်ဘက် တွင် ပြန်ပိတ်
ထားသည်ကို တွေ့ရှိရပါသည်။ ညဏ်နီညဏ်နက်များနှင့်ရေးဆွဲထားသော ဥပဒေဖြစ်သည့်အတွက် အနှစ် ၁၄ နှစ်ကျော်ကြာခဲ့ခြင်းဖြစ်သည်။ စစ်တပ်က နိုင်ငံရေး ပါတီထောင်သည် ဆိုသည်မှာလည်း အလွန်ထူးဆန်း လှပါသည်။ကြံ့ခိုင်ဖွံ့ဖြိုးရေး အသင်းကို တည်ထောင်ခဲ့ခြင်းသည် စစ်အဏာရှင်စနစ်ကို အကာ အကွယ်ပေးရန် ဖွဲ့စည်းထားခြင်းဖြစ်သည်မှာ ငြင်းစရာမလိုပေ။ကြံ့ခိုင်ဖွံ့ဖြိုးရေးအသင်းကို ရည်ရွယ်ချက်ရှိရှိ တည်ထောင်ခဲ့သည်မှာ သေချာပါသည်။

ကြံ့ခိုင်ဖွံ့ဖြိုးရေး အသင်းကို ဖျက်သိမ်းသည်ဟု စစ်အစိုးရက ကြေငြာသည်မှာ အလွန်ရယ်စရာကောင်းပါသည်။ ကြံ့ခိုင်ဖွံ့ဖြိုးရေး အသင်းကို နိုင်ငံရေး ပါတီအဖြစ် မှတ်ပုံ တင်ထားပြီး ဖြစ်လို့ပါ။ ၂၀၀၈ ဖွဲ့စည်ပုံအခြေခံဥပဒေတွင် စစ်တပ်က ရွေးကောက်ပွဲ၌ ဝင်ပြိုင်စရာ မလိုဘဲ၂၅ ရာခိုင်နှုန်း သော နေရာကို အလိုလို ရယူထားပြီးဖြစ်သည်။ ၂၀၁၀ရွေးကောက်ပွဲမှာလည်း စစ်အစိုးရ၏ အလိုတော်ရိပါတီများနှင့် စစ်အစိုးရတည်ထောင်ထားသော ပါတီတို့ ဝင်ပြိုင်ကြမှာ ဖြစ်ရာ ၇၀ ရာခိုင်နှုန်းသောနေရာကို ယူထားမှာ သေချာသလောက် ရှိနေပြန်သည်။ ကျန် ၅ ရာခိုင်နှုန်း နေရာ ကို ဟိုမရောက် ဒီမရောက် ဟိုဘက်မပါ ဒီဘက်မပါ ပါတီများက ရယူနိုင်ချေရှိသည်။ လွတ်တော်၌ ဘာမျှမပြောရဲ မဆိုရဲသော လွတ်တော်အမတ်များသာ ဖြစ်ကြပါတော့မည်။ ၂၀၀၈ ဖွဲ့စည်းပုံအခြေခံဥပဒေကို ကာကွယ်စောင့်ရှောက်ပါမည်ဟု ပါတီမှတ်တင်ထား ကတည်းက ကတိကဝတ်ပေးပြီး ဖြစ်သည့်အတွက် ပါးစပ်တောင် မဟရဲတော့သော ဘဝရောက်သွား နိုင်ပါသည်။

အမျိုးသားဒီမိုကရေစီအဖွဲ့ချုပ် ကဲ့သို့ စစ်အဏာရှင်အစိုးရကို အာခံရဲသော ပါတီများမရှိဘဲ စစ်အစိုးရ အလိုကိုသာ လိုက်ပေးနေသော ပါတီများသာ မှိုလိုပေါက်နေခြင်းသည် ရင်လေးစရာ မတွေးရဲစရာ ဖြစ်သည်။ ရွေးကောက်ပွဲဝင်ပြိုင်ရန် ပါတီမှတ်ပုံတင်ခြင်းအားဖြင့်လည်း၂၀၀၈ဖွဲ့စည်းပုံအခြေခံဥပဒေကို အလိုအလျှောက် အတည်ပြုပေးသလိုဖြစ်သည်။ မြန်မာစစ်အစိုးရ၏ နိုင်ငံရေး နည်းဗျူဟာသည် လိုရင်အနုနည်း ကိုသုးံပြီး မလိုရင်အကြမ်းနည်းကို သုံးလျှက် ရှိသည်။မပြောပလောက်သော အခွင့်အရေးကိုပေးကာ ချောတလှည့် ခြောက်တလှည့်နှင့် ဆက်ဆံတတ်သည်။ ရွေးကောက်ပွဲ ကျင်းပမည့်နေ့ရက်ကို ယနေ့တိုင်မကြေငြာခြင်းသည် စစ်အစိုးရ၏ အကွက်ဆင်မှု သာဖြစ်သည်။

ကျွန်နုပ်တို့ချင်းပြည်နယ်မှာလည်း ချင်းနိုင်ငံရေးပါတီ ၄၊၅ခု ရှိလာသည်။ ချင်းပါတီအချင်းချင်း စည်းလုံးညီညွတ်မှု တည်ဆောက်ရန် အလွန်အရေးကြီးလှပါသည်။ ချင်းပါတီအချင်းချင်း မပုတ်ခတ်သင့်ပါ။ ပါတီအချင်းချင်း ဝိုင်းဝန်းကူရန် လိုအပ်လှပါသည်။ ဗမာပါတီများက ချင်းပါတီ အချင်းချင်း စိတ်ဝမ်းကွဲအောင် နည်းအမျိုးမျိုး နှင့်လုပ်လာနိုင်သည်။ အထူးသတိပြုရန် လိုအပ်လှပါသည်။ချင်းလူမျိုးများအားလုံး ချင်းနိုင်ငံရေး ပါတီများ ကိုသာ မဲထည့်သင့်သည်။ ကြံ့ခိုင်ရေး နှင့် ဖွံ့ဖြိုးရေးပါတီကို မဲ ပေးလျှင် ဗမာလူမျိုးကို အားပေးအားထားရာ ရောက်မည်။ ကိုယ့်လူမျိုး ကို တကယ်ချစ်မြတ်
နိုးလျှင် ချင်းလူမျိုးဘက်က ရပ်တည်ရန် အရေးကြီးသည်။


လစောတောင်ပေါ်သား